الغاز شعبية من وادي سوف

مرحبا أخواني إليكم هذه مجموعة من الألغاز الشعبية السوفية

الشاطر يفتحها


1- نعجتنا الصغيرة خرجت من البيت مطيرة
2- ناقتنا باركة تتكلم بالتخميم . النواجع راحلة والسلطان مقيم
3- ناقتنا الحامل جوها الجمال الهايجين هي صبحت حايل وهم صبجو حاملين
4- توضى ما صلى ولبس وما خلى و راح وما ولى
5- يطبخ مايطيب . يكبر مايشيب . يتعوج ما يعيب
6- انت فيه . وماكش فيه . وما تقدش تدخل فيه
7- جماعة في الحانوت إلي يخرج منهم يموت
8- ثلاثة إخوة / الأول ياكل ما يشبع والثاني يسرح ما يرجع والثالث يرقد ما ينوض
9- زوج نفوس متضاربات واحد تولد بالميات والأخرى عاقر للممات
10-قاعد متربع والناس تروح ليه لا ياكل ولا يشرب والناس تثيق فيه
11- يمشي بلا راس ويحفر بلا فاس
12- البير بير واحد والجمة جمتين
13- يدز في الخير بصدره لا يذوقه ولا يستنفع بيه
14- سطل ماء معلق في السماء
15- زوز أ خوات متضادات واحدة عاقر وواحدة تجيب البنات
16- تكلم يا عمارة وتكلم يابا حمد هراجل دبر دباره ووجهه ما وراه لحد
17- قالك واش فيك يدخل النار ويخرج بلا حرق سلاما
18- قالك يا قابس بعيني شفت النوار فوق العود اليابس